बीड : गेल्या अनेक वर्षांपासून बीड जिल्ह्यात अप्पर पोलीस अधीक्षक म्हणून कार्यरत असलेले सचिन पांडकर यांची धाराशिव येथे बदली करण्यात आली आहे. कार्यकाळ पूर्ण झाल्यानंतर शासनाने ही बदली केली असल्याची माहिती समोर आली आहे.
सचिन पांडकर यांनी बीड जिल्ह्यात कार्यरत असताना कायदा व सुव्यवस्था राखण्यासाठी महत्त्वाची भूमिका बजावली. विविध संवेदनशील प्रकरणांचा तपास, गुन्हेगारी नियंत्रण तसेच विशेष मोहिमा प्रभावीपणे राबविल्यामुळे त्यांची कार्यशैली चर्चेत राहिली होती.
दरम्यान, त्यांच्या बदलीची माहिती समोर आल्यानंतर पोलीस विभागासह विविध स्तरातून त्यांना पुढील वाटचालीस शुभेच्छा दिल्या जात आहेत. धाराशिव येथेही ते लवकरच पदभार स्वीकारणार असल्याचे समजते. तसेच त्यांच्या जागी बीडला सध्या तरी कोणाची नियुक्ती करण्यात आलेली नाही. आज जे आदेश काढण्यात आले आहेत त्या आदेश मध्ये बीड साठी अजून तरी कोणी देण्यात आले नाही. एक-दोन दिवसात बीडला कोण येणार हे पाहणं महत्त्वाचं ठरणार आहे
