भविष्यात अशी चूक खपवून घेणार नाही – आ. विजयसिंह
Beed : शहरातील भाजी मंडई समोर अतिक्रमण विरोधी पथकाने केलेल्या कारवाईचा व्हिडीओ सोशल मिडीयावर व्हायरल झाला आहे. आ. विजयसिंह पंडित यांनी या प्रकरणाची दखल घेऊन मुख्याधिकाऱ्यांसह संबंधितांना या प्रकरणी जाब विचारला, मुळात पालिकेच्या मुख्याधिकाऱ्यांसह जबाबदार अधिकाऱ्यांनी या कारवाई संदर्भात कोणतेही आदेश दिले नसल्याची बाब उघडकीस आली आहे. झालेल्या प्रकाराची आ. पंडित यांनी गंभीर दखल घेऊन भविष्यात गोर-गरीब भाजी विक्रेत्यांविरुध्द अन्यायकारक कारवाई खपवून घेतली जाणार नाही असा इशारा त्यांनी दिला. नियमानुसार अतिक्रमण निघाले पाहिजे, अतिक्रमण विरोधी कारवाई करताना दुजाभाव करू नका हातावर पोट असलेल्या लोकांना सावरण्याची संधी द्या अशा सूचनाही त्यांनी संबंधितांना दिल्या आहेत.
