प्रारंभ । वृत्तसेवा
बीड : जिल्ह्यामध्ये अवैध धंद्यांना आळा बसावा यासाठी पोलीस अधीक्षक नंदकुमार ठाकूर यांनी विशेष पथकाची स्थापना केली होती. परंतु तोंडावर आलेल्या निवडणूकीच्या अनुषंगाने पडत असलेले अपुरे मनुष्यबळ या अनुषंगाने पोलीस अधीक्षक यांनी आज पोलीस अधीक्षक विशेष पथक बरखास्त केले.
बीड जिल्ह्यामध्ये अवैध धंद्यावर पोलीस अधीक्षक पथकांचा विशेष वचक असतो. याच अनुषंगाने गेल्या काही महिन्यांपासून बीड जिल्ह्यामध्ये पोलीस अधीक्षक विशेष पथक कार्यरत होते परंतु तोंडावर आलेली लोकसभा व इतर निवडणूकीच्या अनुषंगाने पडत असलेले अपुरे मनुष्यबळ याअनुषंगाने पोलीस अधीक्षक यांनी विशेष पथक बरखास्त केले आहे. बरखास्त केलेल्या पथकातील अधिकारी कर्मचाऱ्यांची नेमणूका पूर्वी ज्याठिकाणी होत्या त्याच ठिकाणी करण्यात येणार असल्याची माहिती पोलीस अधीक्षक नंदकुमार ठाकूर यांनी दिली.
