प्रियकरासह अन्य दोघांवर शिवाजीनगर पोलीस ठाण्यात गुन्हा नोंद
प्रारंभ सेवा
बीड : जिल्ह्यामध्ये महिलांवर होणाऱ्या अत्याचाराच्या घटनेमध्ये दिवसेंदिवस वाढ होत असून शुक्रवारी (ता. ०४) बीड शहरांमध्ये चालत्या गाडीत एका पीडित महिलेवर प्रियकरासोबतच्या दोन जणांनी अत्याचार केल्याची धक्कादायक घटना समोर आली आहे. पीडित महिलेच्या तक्रारीवरून आज (ता. ०६) शिवाजीनगर पोलीस ठाण्यात तिच्या प्रियकरासह अन्य दोघांवर गुन्हा नोंद करण्यात आला आहे.
बीड शहरातील शिवाजीनगर पोलीस ठाणे हद्दीत राहणाऱ्या एका 26 वर्षीय महिलेच्या पतीचे निधन कोरोना काळात झाले. या यानंतर गेल्यावर्ष भरापासून त्या महिलेचे एका व्यक्तीबरोबर संबंध होते, वर्षभरापासून हे दोघेही शहरांमध्ये राहत होते. परंतु शुक्रवारी सदरील महिला बार्शी रोड वरून येत असताना, एका स्कॉर्पिओ मध्ये तिच्या प्रियकराने व त्याच्यासोबत असलेल्या दोघांनी सदरील महिलेस स्कॉर्पियोच्या बळजबरिने बसवले, यानंतर गाडी मांजरसुब्याच्या दिशेने सुसाट नेली. बीड ते मांजरसुंबा या दरम्यान प्रियकरा सोबत असणाऱ्या दोन नाराधामांनी सदरील महिलेला मारहाण करत तिच्यावर अतिप्रसंग केला. यानंतर गाडी साञा पोञा या ठिकाणी गेल्यानंतर प्रियकराच्या पत्नीने सुद्धा पीडित महिलेला मारहाण केली. यामध्ये महिला जखमी झाली असून महिलेवर जिल्हा रुग्णालयामध्ये उपचार सुरू आहे. पिडितेच्या तक्रारीवरून आज शिवाजीनगर पोलीस ठाण्यात प्रियकर सह अन्य दोघे व एका महिलेवर गुन्हा नोंद करण्यात आला आहे.पुढील तपास शिवाजीनगर पोलीस करत आहेत
