बनावट नोटा व एक पिस्टल पोलिसांकडून जप्त
प्रारंभ वृत्तसेवा
Beed : बीड शहर पोलीस ठाण्यात हद्दीत गेल्या दोन दिवसापुर्वी बनावट नोटा प्रकरणी गुन्हा नोंद करण्यात आला होता. याच प्रकरणाचा पुढील तपास करत असताना बीड पोलिसांनी पुणे येथून अजून बनावट नोटा, प्रिंटर व एक पिस्टल जप्त केले आहे. या कारवाईमुळे बनावट नोटा छापणार्या रॅकेटचा पर्दाफाश झाला आहे. बीड शहर पोलीस ठाण्याचे प्रमुख शितलकुमार बल्लाळ यांनी व त्यांच्या टिमने हि कामगिरी वरिष्ठ अधिकाऱ्यांच्या मार्गदर्शनाखाली केली.
बीड शहर पोलीस स्टेशन थेथे बनावट नोटांप्रकरणी दाखल गुन्ह्याचे तपासात गुन्ह्यातील फरार आरोपी यांचा शोध घेत असतांना गुन्ह्यातील फरार आरोपी मनिष क्षीरसागर हा त्याच्या साथीदारामार्फत पुणे येथे मोठ्या प्रमाणात ‘बनावट नोटा चलनात आणणार असल्याबाबत माहीती
पोलीसांना मिळाली होती. त्यावरन शहर पोलीस स्टेशन बीड वे एक पथक तपासकामी पुणे येथे रवाना करण्यात आले होते बीड शहर पोलीस स्टेशनच्या पथकाने पुणे येथे जाऊन दिनांक 19/09/2024 रोजी आरोपीचा शोध घेतला असता मनिष क्षीरसागर याचा साथीदार प्रविण गायकवाइ रा. भक्ती कन्स्ट्रक्शन, बीड हल्ली मुक्काम आंबेगांव पुणे यास ताब्यात घेवुन विचारपुस केली असता, त्याने सांगीतले की, गुन्हयातील आरोपी मनिष क्षीररसागर याने प्रविण गायकवाड याचेकडे बनावट नोटांचे नमुने तसेच एक गावठी पिस्तुल पाठविले होते. प्रविण गायकवाड याचे आंबेगांव येथील निवासस्थानाची घरझडती घेतली असता त्याच्याकडे 8500/- रुपयाच्या बनावट नोटा तसेच एक गावठी पिस्तुल मिळुन आल्याने त्यास गुन्हयात अटक करण्यात आले आहे आतापर्यत सदर गुन्हयात 1 विधीसंधर्ष बालक व इतर 5 आरोपी निष्पन्न झाले असुन त्यापैकी 2 आरोपींना अटक करण्यात आली आहे. अटक आरोपी आकाश जाधव व प्रविण गायकवाड यांना आज दिनांक 20109/2024 रोजी न्यायालयात हजर केले असता मा न्यायालयाने त्यांना दिनांक 24109/2024 रोजी पर्यत पोलीस कोठडी सुनावली आहे. सदरची कारवाई मा. पोलीस अधीक्षक श्री. अविनाश बारगळ, अपर पोलीस अधीक्षक श्री. सचिन पांडकर, उपविभागीय पोलीस अधिकारी श्री. विश्वांबर गोल्डे, पोलीस निरीक्षक श्री. शितलकुमार बल्लाळ, यांच्या मार्गदर्शनाखाली सपोनि. बाबा राठोड, पोलीस अंमलदार मनोज परजणे, अशपाक सय्यद, जयसींग वायकर यांनी केली आहे.
