Beed : आष्टी येथे महाविकास आघाडीचे उमेदवार बजरंग बप्पा सोनवणे यांच्या प्रचारार्थ राष्ट्रवादी शरदचंद्र पवार पक्षाचे प्रदेशाध्यक्ष जयंत पाटील, खासदार अमोल कोल्हे, महाविकास आघाडीचे उमेदवार बजरंग सोनवणे,शिवसेना उध्दव बाळासाहेब ठाकरे पक्षाचे जिल्हाप्रमुख परमेश्वर सातपुते, आमदार संदीप क्षीरसागर, माजी आमदार सय्यद सलीम,माजी आमदार साहेबराव दरेकर, माजी आमदार लोकसभा प्रमुख सुनील धांडे,जैष्ट नेत्या सुशीला मोराळे यांच्या प्रमुख उपस्थितीत आष्टी शहरातील ईदगाह मैदानावर जाहीर सभा आयोजित करण्यात आली होती.
याप्रसंगी बोलताना शिवसेना जिल्हाप्रमुख परमेश्वर सातपुते म्हणाले की
केंद्रातील मोदी शहा आणि राज्यातील मींधे सरकार ला लोकसभा निवडणुकीत पराभव समोर दिसत असल्यामुळे त्यांच्या पाया खालची वाळू सरकली आहे मोदीजी प्रत्येक भाषणात म्हणतात “मेरा देश मेरा परिवार ” पण त्यांच्याच परिवारातील कर्नाटक येथील उमेदवार, रेवाण्णा यांनी 3000 महीलाचे शोषण करून अत्याचार केले त्याचे व्हिडिओ काढले त्यांना मोदी सरकारने बाहेर देशात पळून जायला मदत केली त्यावर मोदी शहा काही बोलत नाही
सत्तेसाठी भाजप खालच्या थराला जातेय,
शेतकऱ्यांच्या मालाला योग्य भाव नाही सोयाबीन कापूस घरात ठेवलेलं आहे शेतकऱ्यांच्या गरजू वस्तूवर 28% जीएसटी लावून प्रचंड भाव वाढ केली खताच्या किमतीत भाव वाढ करून शेतकऱ्यांना देशोधडीला लावण्याचे काम मोदी सरकारने केले आहे राज्यातील जे नेते इमानदारीने आणि प्रामाणिकपणे काम करीत होते अशा नेत्यांच्या पाठीमागे ईडीसीबीआय आणि इन्कम टॅक्स धाडी टाकून त्यांना वेटीस धरण्याचा आणि त्रास देण्याचे काम मोदी सरकारने आणि मिंधे सरकारने केले.
सर्व जाती धर्मांना बरोबर घेऊन महाविकास आघाडीचे उमेदवार बजरंग सोनवणे हे काम करत आहेत पालकमंत्री मुंडे आणि मुंडे भगिनी बीड जिल्हा च्या विकासासाठी मते मागत फिरत आहे पण बीड जिल्ह्यातील सत्ता गेल्या वीस वर्षांपासून त्यांच्या कडेच आहे मग तेंव्हा विकास का करता आला नाही याचे उत्तर त्यांनी दिले पाहिजे बोलाचाच भात आणि बोलाचीच कढी अशी अवस्था त्यांची झाली आहे बीड जिल्ह्यातील जनता आता त्यांच्या भूलथापांना भूलनार नाही त्यामुळे यावेळेस शेतकऱ्यांनी व जिल्ह्यातील जनतेने महाविकास आघाडी चे नेते शरदचंद्रजी पवार साहेब व शिवसेना पक्षप्रमुख उद्धवजी ठाकरे साहेब यांच्या पाठीशी उभे राहून बीड जिल्ह्यातील लोकसभा उमेदवार बजरंग बप्पा सोनवणे यांना प्रचंड मताधिक्याने विजयी करावे
असे आवाहन त्यांनी यावेळी केले..!!
