आष्टी :- मागील पंधरा दिवसापासून मी पालकमंत्र्यांना जरा सबुरीने घ्या असा सल्ला देतोय पण ते काही ऐकत नाहीत ते रोज आपल्या बहिणीच्या अडचणी वाढवणारी वक्तव्य करत आहेत एकूणच त्यांची सगळी धावपळ बहिणीचा पराभव करण्यासाठीच आहे कि काय असा प्रश्न प्रकर्षाने जाणवू लागला असल्याचे मत महाविकास आघाडीचे उमेदवार बजरंग बप्पा सोनवणे यांनी आष्टी तालुक्यातील आपल्या प्रचार सभेदरम्यान व्यक्त केले
” लोक ऐकत नाहीत ” अस म्हणणाऱ्या सरपंचानी लोकप्रतिनिधींच्या दारात जाऊ नये असे वादग्रस्त वक्तव्य पालकमंत्री धनंजय मुंडे यांनी केल्यानंतर या वक्तव्यावरून त्यांच्यावर टीकेची झोड उठली असून सरपंच संघटनाही यावरून आक्रमक झाल्याचे दिसत आहेत आता त्यांच्या याच वक्तव्यावरून राष्ट्रवादी काँग्रेस पक्ष शरदचंद्र पवार व महाविकास आघाडीचे उमेदवार बजरंग सोनवणे यांनीही त्यांना घेरले आहे
सोनवणे यावर बोलताना म्हणाले कि ; निवडणुकीत टोकाची व व्यक्तिगत टीका होणार नाही याची दक्षता घ्या थोड सबुरीने घ्या असा मैत्रीचा सल्ला आपण पालकमंत्र्यांना दिला पण ते काहीकेल्या थांबताना दिसत नाहीत रोज नवनवीन आरोप करत आहेत त्यात ते स्वतःचा नाकर्तेपणा देखील अधोरेखित करत आहेत हेच काय कमी होते कि काय त्यात त्यांनी कालच्या सरपंचाच्या बाबतीत वक्तव्य करून बहिणीच्या अडचणी वाढवण्याचेच काम करत आहेत त्यामुळे त्यांना आपल्या बहिणीला पडण्याची घाई झाली आहे कि काय असे वाटू लागले आहे . त्यांचा पराभव हि जनता करणारच आहे त्यासाठी चार जूनची वाट तरी बघा असा टोमणा देखील मारला आहे
