आ.संदीप क्षीरसागर बजरंग सोनवणेंसह बालाघाटावर
बीड प्रतिनिधी – बीड तालुक्यातील बालाघाट परिसरातील गावांमध्ये जाऊन आ.संदीप क्षीरसागर व बजरंग सोनवणे यांनी लोकांच्या प्रत्यक्ष भेटीगेटी घेत शेतकर्‍याच्या पोराला मतदानरुपी आशिर्वाद द्या असे आवाहन करत प्रचार दौरा केला.
सोमवार (दि.२९) रोजी बीड तालुक्यातील वानगाव, गोगलवाडी, रौळसगाव, अंजनवती, वडवाडी/बोरखेड, महाजनवाडी, लोणी घाट, गोलंग्री, कानडी घाट, सुलतानपूर, घारगाव या बालाघाटावरील गावांमध्ये जाऊन गावकर्‍यांशी थेट संवाद साधत आ.संदीप क्षीरसागर यांनी प्रचार दौरा केला. यावेळी इंडिया आघाडीचे उमेदवार बजरंग सोनवणे हेही सोबत होते. आ.क्षीरसागर व बजरंग सोनवणे यांनी, गावकर्‍यांना एकदा तुमच्यातल्याच एका शेतकर्‍याच्या पोराला मतदानरूपी आशिर्वाद द्या आणि आपले प्रश्न जाणणारा आणि मांडणारा खासदार तुमच्याच आशिर्वादाने बीड जिल्ह्याला द्या असे नम्र आवाहन केले. यावेळी राष्ट्रवादी काँग्रेस पक्षासह इंडिया आघाडीतील मित्रपक्षांचे पदाधिकारी, स्थानिक कार्यकर्ते व ग्रामस्थ मोठ्या संख्येने उपस्थित होते. आ.संदीप क्षीरसागर हे बजरंग सोनवणे यांच्या प्रचारासाठी दररोज बीड मतदारसंघासह जिल्ह्यातील अनेक भागात फिरत आहेत. दरम्यान सर्वसामान्य लोकांकडून बजरंग सोनवणे यांना प्रचंड सकारात्मक प्रतिसाद मिळत चालला आहे.
