बीड :- गेवराई येथे महानायक ग्रुपच्या वतीने बंजारा समाजाचा एक भव्य मेळावा आयोजित करून त्यात राष्ट्रवादी काँग्रेस शरदचंद्र पवार पक्ष आणि इंडिया विकास आघाडीचे उमेदवार बजरंग सोनवणे यांना पाठिंबा देण्यासाठी मेळावा आयोजित केला होता. या वेळी मेळाव्यात बोलताना बजरंग बप्पा सोनवणे म्हणाले की, आम्ही बंजारा समाजाच्या सदैव त्यांच्या पाठीशी आहोत. राज्यात आमचे सरकार आल्यास ऊसतोड महामंडळाचे अध्यक्षपद देखील बंजारा समाजाच्या व्यक्तीला देवू. तसेच जिल्हा परिषद, पंचायत समितध्ये बंजारा समाजाला प्रतिनिधित्व देवून त्यांचा सन्मान राखला जाईल.
यावेळी व्यासपीठावर राष्ट्रवादी शरदचंद्र पवार पक्षाचे युवा अध्यक्ष महेबूब शेख, माजी मंत्री बदामराव आबा पंडित, जिल्हाध्यक्ष आमदार संदीप क्षीरसागर, युद्धजीत पंडित, किसान सेलच्या प्रदेशाध्यक्ष पूजा मोरे, उद्योजक पानसंबळ हे उपस्थित होते. हा कार्यक्रम हा मेळावा महानायक ग्रुपचे संस्थापक भगवान राठोड आणि त्यांचे सहकारी जायकोबा राठोड, शरद पवार, संजय पवार सुनील चव्हाण यांनी परिश्रम घेतले.
या मेळाव्याला बंजारा समाजातील तरुण आणि नागरिक यांची मोठ्या प्रमाणावर उपस्थिती होती. तर यावेळी बोलताना मान्यवरांनी सांगितले की,बंजारा समाज ज्या बाजूला त्यांचा विजय नक्कीच असतो. म्हणून आता बजरंग सोनवणे यांचा विजय कोणीही रोखू शकत नाही.
