ज्यांच्यामुळे इथपर्यंत पोहोचलो, त्यांचे आशीर्वाद घ्यायला येतोय – Dhananjay Munde
धनंजय मुंडे मंञी झाल्यानंतर प्रथमच बीड जिल्ह्यात
ठिकठिकाणी स्वागताची जय्यत तयारी
प्रारंभ वृत्तसेवा
बीड : राजकारणामध्ये कधी काय होईल याचा मात्र सध्या तरी अंदाज लावणे कठीण बनले आहे. राष्ट्रवादीचा एक मोठा गट घेऊन अजित पवार सत्तेमध्ये सहभागी झाल्यानंतर राष्ट्रवादीच्या नऊ आमदारांनी मंत्री म्हणून शपथ घेतली. यात परळी मतदारसंघाचे आमदार धनंजय मुंडे यांचा सुद्धा सहभाग आहे. मंत्री झाल्यानंतर धनंजय मुंडे हे पहिल्यांदाच बीड जिल्ह्यात येत असल्यामुळे त्यांच्या स्वागतासाठी बीड जिल्ह्यात ठिकठिकाणी जय्यत तयारी करण्यात आली आहे. नामदार धनंजय मुंडे यांचा जिल्हा दौरा होत असून हा दौरा कडा येथून सुरू होत आहे. पुढे आष्टी, जामखेड, पाटोदा लिंबागणेश, मांजरसुंबा, बीड, घाटसावळी, वडवणी, तेलगाव धारूर, केज, अंबाजोगाई, परळी असा त्यांचा दौरा असून गावोगावी त्यांचे स्वागत करण्यासाठी कार्यकर्त्यांनी जय्यत तयारी केली आहे.
मंञी धनंजय मुंडे यांचे ट्विट
आज सकाळी धनंजय मुंडे यांनी ट्विट करत आपल्या भावना व्यक्त केल्या. आपल्या सर्वांच्या आशीर्वादाच्या बळावर मंत्री झाल्यानंतर प्रथमच माझ्या मतदारसंघात जात आहे. ज्यामुळे मी इथपर्यंत पोहोचलो त्यांचे आशीर्वाद घ्यायला असे मंत्री धनंजय मुंडे यांनी ट्विट केले केले.
