—सीईओंच्या फिर्यादीवरुन धनराज राजाभाऊ मुंडेंवर गुन्हा दाखल!
— सीईओ अजित पवार यांनी स्वत:ठाण्यात जाऊन दिली फिर्याद
प्रारंभ वृत्तसेवा
बीड : पालकमंञ्यांचे फोन तुम्ही का घेत नाहीत, काय समजता तुम्ही स्वत:ला, लावू का पालकमंञ्याला फोन असे म्हणत पालकमंञी अतुल सावे यांचे अघोषीत पीए यांनी आज (ता. ११) दुपारी जिल्हा परिषद मध्ये सीईओंच्या कॅबीन मध्ये जाऊन राडा करत सीईओ अजित पवार यांना अपशब्द वापरले. या प्रकरणी सीईओ अजित पवार यांच्या फिर्यादीवरुन पालकमंञ्यांचे अघोषीत पीए धनराज मुंडे यांच्यावर शहर पोलीस ठाण्यात गुन्हा नोंद झाला आहे.
सीईओ अजित पवार हे आज त्यांच्या कॅबीन मध्ये काम करत होते, यावेळी त्यांच्या कॅबीन मध्ये पालकमंञ्यांचे अघोषीत पीए धनराज मुंडे हे आले व त्यांनी सीईओ अजित पवार यांना अपशब्द वापरत तुम्ही पालकमंञ्यांचे फोन का घेत नाहीत, तुम्ही स्वत:ला काय समजतात हे बोलत राडा केला. यासह तुम्हाला येथे राहयचे आहे का? लावू का पालकमंञ्यांना फोन असे म्हणत सीईओंना धमकी दिली. यानंतर सीईओ अजित पवार यांनी स्वत:शहर पोलीस ठाण्यात जाऊन पालकमंञ्यांचे अघोषीत पीए धनराज राजाभाऊ मुंडे यांच्याविरोधात फिर्याद दिल्याने गुन्हा नोंद करण्यात आला आहे. पुढील तपास सहाय्यक पोलीस निरीक्षक महादेव ढाकणे हे करत आहेत.
