मतदारसंघातील जनतेचा शब्द कधी खाली पडू दिला नाही —आ.संदिप क्षीरसागर

तुमच्या हक्काचा माणूस विधानसभेत पाठवण्यासाठी मला प्रचंड मतांनी विजयी करा

फुलसांगवी व आर्वी पं.स. गणातील गावभेट दौऱ्यात आ.संदीप क्षीरसागर यांचे आवाहन

ठिकठिकाणी झाले जल्लोषात स्वागत

मतदारांनी संदीप भैय्यांना दिला सोबत असल्याचा विश्वास

बीड (प्रतिनिधी) बीड मतदार संघातील जेष्ठ नागरिकांपासून, माता भगिणी,तरुण,युवक मित्र हे माझे हक्काचे माणसं आहेत. यांचा शब्द कधीही खाली पडू दिलेला नाही. यापूर्वी पाच वर्ष काम करताना कधीही जनतेपासून मी दूरावलो नाहील. मतदारसंघातील सर्व मतदार बंधू,भगिणी हेच माझे स्फुर्तीस्थान आणि माझी ताकद आहात. मतदारसंघाला विकसित करण्यासाठी, येथील जनतेसाठी मला आणखी काम करायचं आहे, म्हणून येत्या २० नोव्हेंबरला ‘तुतारी वाजवणारा माणूस’ या चिन्हासमोरील मतदान यंत्रावरील बटन दाबून प्रचंड मतांनी विजयी करावे असे आवाहन आ.संदीप क्षीरसागर यांनी शिरूर कासार तालुक्यातील फुलसांगवी येथे कॉर्नर बैठकीत मतदारांना केले.

राष्ट्रवादी काँग्रेस (शरदचंद्रजी पवार) पक्ष महाविकास आघाडी व मित्र पक्षाचे बीड विधानसभेचे लोकप्रिय उमेदवार आ. संदीप क्षीरसागर यांनी विधानसभा निवडणुकीच्या प्रचारार्थ शनिवारी (दि.१६) वैराग्यमूर्ती, श्री संत वामनभाऊ यांची जन्मभूमी फुलसांगवी येथील श्री संत वामनभाऊ यांचे दर्शन घेऊन आशीर्वाद घेतला. त्यानंतर येथील ग्रामस्थ व मतदार बांधवांशी भेट घेत संवाद साधला.

यावेळी आ.संदीप क्षीरसागर म्हणाले,जनतेचा विश्‍वास सार्थ ठरवल्याने तुम्ही माझी निवडणूक हाती घेतली आहे. हीच आपल्या कामाची पोहचपावती आहे. बीड मतदार संघाचे प्रतिनिधित्व करताना जनतेचे प्रश्‍न मार्गी लावले आहेत. प्रलंबित विकासकामांसाठी सतत शासनाकडे पाठपुरावा केला. सर्वांना विश्‍वासात घेवूनच विकासाची कामे पुर्णत्वास नेली. अजूनही खूप काम या मतदारसंघासाठी करावयाचे आहे, त्यासाठी तुमचे आशीर्वाद खूप महत्त्वाचे आहेत. दुसरीकडे विरोधकांना आता स्वत:कडे सांगण्यासारखे काहीच नसल्याने ते तथ्यहिन टिका करत आहेत.मात्र माझ्या मतदारसंघातील तुम्ही सर्व माझ्या कामाबद्दल समाधानी आहेत, हीच माझी मोठी उपलब्ध आहे, म्हणूनच आपल्याला विरोधकांकडे लक्ष देण्याची गरज नसून येत्या २० तारखेला आपण सर्वांनी ‘तुतारी वाजवणारा माणूस’ या चिन्हासमोरील बटन दाबून मला प्रचंड मतांनी विजयी करुन सेवेची पुनश्‍च संधी द्यावी असे आवाहन आ.संदीप क्षीरसागर यांनी केले.

आर्वी येथील कॉर्नर बैठकीत ग्रामस्थांनी दिले आशीर्वाद
शनिवारी आ. संदीप क्षीरसागर यांनी बीड मतदार संघातील आर्वी येथे कॉर्नर बैठक घेतली. त्यांचे ठिकठिकाणी मतदारांनी उत्साहात स्वागत करत निवडणुकीत भैय्या आम्ही तुमच्यासोबत असल्याचा विश्वास दिला. ठिकठिकाणी झालेल्या प्रत्यक्ष गाठीभेटी व संवाद दौऱ्यातून संदीप क्षीरसागर यांनी मागील ५ वर्षात मतदारसंघात केलेली विकास कामे आणि त्यातून जनतेची मिळवलेली विश्वासार्हता याच बळावरच आपण जनतेसमोर जात आहोत.तुमचे अमूल्य मत देऊन पुन्हा एकदा मला बीड मतदारसंघाचा लोकप्रतिनिधी म्हणून सेवेची संधी द्या असे आवाहन केले. या दौऱ्यात पदाधिकारी,कार्यकर्त्यांसह गावातील जेष्ठ मंडळी, माता-भगिनी या सर्वांचे आ.संदीप क्षीरसागर यांनी यावेळी आशीर्वाद दिले.सर्वांनी तुतारी वाजवणारा माणूस या चिन्हासमोरील बटन दाबून विजयी करण्याचे आवाहन त्यांनी केले.