चांगला पाऊस होत असल्याने व्यक्त केले समाधान
बीड :- बीड शहराला पाणीपुरवठा करणारे पाली येथील बिंदुसरा प्रकल्पाचा तलाव पूर्णपणे भरला असून आ.संदीप क्षीरसागर यांनी रविवारी (दि.१) रोजी याठिकाणी जलपूजन केले.
बीड जिल्ह्यात सध्या सर्वत्र समाधानकारक पाऊस पडत आहे. बीड शहराला पाणीपुरवठा करणारे तसेच बीड मतदारसंघातील प्रमुख जलसाठा असलेले पाली येथील बिंदुसरा प्रकल्पाचे तळे पूर्णपणे भरले आहे. हि बाब परिसरातील शेतीसिंचन आणि बीड शहराच्या पाणीपुरवठ्याचा दृष्टीने अत्यंत आनंदाची असल्याने आ.संदीप क्षीरसागर यांनी पाली येथील बिंदुसरा प्रकल्पाच्या ठिकाणी जाऊन जलपूजन केले. दरम्यान येणाऱ्या काळातही असाच चांगला पाऊस व्हावा आणि माझा बळीराजा सुखी रहावा अशी प्रार्थना आ.क्षीरसागर यांनी यावेळीं केली. याप्रसंगी परिसरातील शेतकरी व नागरिक मोठ्या संख्येने उपस्थित होते.
