परळी : औकात आणि लायकी काय हे विचारणाऱ्या विरोधकांना बजरंग बप्पा सोनवणे यांनी सणसणीत चपराक लगवित म्हटले की, ऊस उत्पादक शेतकऱ्यांचे पैसे वेळेवर देणे. ऊसतोड कामगार आणि कारखान्यातील कामगार यांच्या बनकाचे पैसे देणे ही आमची औकात आहे तर ज्यांना वडिलांनी उभे केलेले कारखाने चालविता आले नाहीत. त्याने कामगार व शेतकऱ्यांचे पैसे बुडविले ती त्यांची लायकी काय त्यांनी आमची औकात आणि लायकी काढणे म्हणजे चेष्टा असे अशी कोपरखळी बजरंग सोनवणे यांनी पालकमंत्री आणि भाजप उमेदवारांना लगावली.
राष्ट्रवादी काँग्रेस शरदचंद्र पवार पक्ष आणि महाविकास आघाडीचे उमेदवार बजरंग बप्पा सोनवणे यांच्या प्रचारार्थ बजरंग बप्पा सोनवणे, प्रदेश उपाध्यक्ष बबन भाऊ गित्ते, काँग्रेसचे जिल्हाध्यक्ष राजेसाहेब देशमुख, ॲड. अजय बुरांडे, सुदामतीताई गुट्टे, ॲड. माधव जाधव हे परळी तालुक्यातील पौळ पिंपरी, गोवर्धन (हिवरा), हिवरा (गोवर्धन), रामनगर तांडा, जळगव्हाण, रामेवाडी (कासारवाडी), पोहनेर, दिग्रस, बोरखेड, तेलसमुख या गावांना भेटी दिल्या.
पौळ पिंपरी येथे गावकऱ्यांनी ढोल ताशा वाजवून आणि राष्ट्रवादी काँग्रेस पक्षाचे चिन्ह असलेल्या तुताऱ्या वाजवून भव्य स्वागत केले. तर रामेवाडी (कासारवाडी) येथे सजविलेल्या बैलगाडीतून बजरंग बप्पा सोनवणे, बाबनभाऊ गित्ते, फुलचंद कराड आणि राजेसाहेब देशमुख यांची ढोल, ताशा आणि तुताऱ्या वाजवून भव्य मिरवणूक काढण्यात आली.
यावेळी पौळ पिंपरी येथे बोलताना बजरंग बप्पा सोनवणे यांनी पालकमंत्री आणि भाजपच्या उमेदवारांच्या चांगलाच समाचार घेतला ते म्हणाले की एक सामान्य शेतकरी कुटुंबातील शेतकरी पुत्र असून सुद्धा मी दोन दोन साखर कारखाने चालवली तेही मराठवाड्यात विक्रमी भाव देत आहे. ऊस उत्पादक शेतकरी, कामगार आणि ऊसतोड मजूर यांचे पैसे आम्ही बुडवीले नाहीत. तसेच आमच्या समर्थकांना जर कोणी धमकावीत असेल तर त्यासाठी आम्ही सदैव त्यांच्या पाठीशी राहू. त्याचबरोबर ऊस उत्पादक शेतकऱ्यांनी घाबरून जाण्याचे कारण नसून उलट दोन्ही कारखाने दुप्पट क्षमतेने चालू आहेत. माझा जन्म कोणत्याही राजकारणाच्या पोटी झालेला नसताना सामान्य शेतकरी कुटुंबात जन्मलो. माझे आई-वडील शेतकरी असेल तरी मला राजकीय जन्म देणारे सामान्य नागरिक हे माझे राजकीय मायबाप आहेत. असे उदगार काढले.
मागील दहा ते पंधरा वर्षां मध्ये जर भाजपने मतदारसंघाचा विकास केला असता तर मग त्यांना मतांची भीक मागण्याची आवश्यकता पडली नसती. जे आज मला विरोध करीत आहेत त्यांचाही ऊस मीच गाळप केला. त्यामुळे उसासाठी कोणीही घाबरण्याचे कारण नाही. असे आश्वासित केले.
यावेळी मोठ्या संख्येने नागरिक उपस्थित होते.
*फुलचंद कराड :-* स्वतःला विकास कन्या म्हणविणाऱ्या भाजपच्या उमेदवार ते म्हणाले की जर त्या पालकमंत्री असताना त्यांनी मतदारसंघाचा विकास केला असता तर त्या निवडणुकीत पराभूत झाल्याच नसत्या. तसेच वैजनाथ कारखाना बुडविण्यासाठीच या दोघा बहिण भावांनी जागा वाटून घेतल्या. याचे वाईट वाटत नाही. मात्र स्वर्गीय गोपीनाथ मुंडे यांनी रक्ताचे पाणी करून त्याची उभारणी केली
तो कारखाना बंद असल्याने त्याचे मनस्वी दुःख होते. त्यामुळे या दोन्ही बहिण भावांना आता मतदाराने घरी बसण्याची वेळ आलेली आहे. असे फुलचंद कराड म्हणाले.
