प्रारंभ वृत्तसेवा
बीड : शहरातील के एस. के महाविद्यालयाच्या वर्गातील डेक्सवर एका समाजाच्या भावना दुखावतील असे आक्षेपार्ह लिखाण लिहीण्यात आले होते. त्यावरून शहरात जातीय तणाव निर्माण झाला होता. सदर अनुषंगाने घटणेचे गांभीर्य लक्षात घेऊन मा.पोलीस अधीक्षक श्री नंदकुमार ठाकूर यानी सदर घटनेच्या अनुषंगाने तात्काळ गुन्हा दाखल करून आरोपी अटक करण्याचे निर्देश दिले आहेत. शिवाजीनगर पोलीस ठाण्यात या प्रकरणी गुन्हा दाखल कारण्यात आला असून यातील एका आरोपीताला तात्काळ अटक करण्यात आलेली आहे. उर्वरीत आरोपींची नावे निषन्न करुन त्याना सुद्धा जेरबंद करण्यात येणार आहे,
सदर घटनेच्या अनुषंगाने सोशल मिडीयाचे माद्यमातुन खोटया व सामाजीक तेड निर्माण करणाऱ्या अफवा काही समाजकंटक पसरवीत असल्याचे निर्दशनास येत आहे. यावर पोलीसांची करडी नजर असून अशा समाजकंटकावर कडक कारवाई करण्यात येईल. तरी सर्व जनतेस याद्वारे आवाहन करण्यात येते की, सामाजीक तेड निर्माण करणाऱ्या अफवांवर लक्ष देऊ नये. सोशल मिडीयातून अफवा पसरवुन जातीय व सामाजीक तणाव तेड निर्माण करणाऱ्या समाज कंटक व्यक्तींची माहीती तात्काळ नजीकचे पोलीस स्टेशनला द्यावी असे आवाहन पोलीस अधिक्षक नंदकुमार ठाकुर यांनी केले आहे.
