विप्रनगर (ब्राह्मणवाडी), खासबाग, इस्लामपुरा,बाबा चौकात आ.संदीप भैय्यांच!
माझ्या जनतेचे प्रेम,आपुलकी, स्वाभिमान आणि विश्वास सार्थ ठरवणार-आ.संदीप क्षीरसागरांनी दिला शब्द
बीड(प्रतिनिधी) आपल्या बीड मतदार संघाचे प्रतिनिधित्व करत असताना येथील जनतेला सोबत घेऊन विकासाची कामे पूर्णत्वास नेली. अजूनही विकासाची कामे प्रलंबित आहेत. निवडणुकीच्या काळात विरोधकांकडून आपल्याला एकटे पाडून टीका टिप्पणी केली जात असताना माझ्या मतदारसंघातील तुम्ही सर्वांनी मात्र मला प्रचंड प्रेम दिले. माझ्याबद्दल आपुलकी दाखवली. मला ताकद देऊन माझी जनता माझ्या पाठीशी खंबीरपणे उभी राहिली. तुम्ही दिलेले हे प्रेम,आपुलकी, स्वाभिमान आणि तुमचा विश्वास मी सार्थ ठरवेल अशा शब्दात आ.संदीप क्षीरसागर यांनी मतदार बंधू-भगिनींसमोर वंदन केले.
विधानसभा निवडणूक प्रचाराच्या अंतिम टप्प्यात रविवारी (दि.१७) सायंकाळी राष्ट्रवादी काँग्रेस (शरदचंद्रजी पवार) पक्ष महाविकास आघाडी व मित्र पक्षाचे बीड विधानसभेचे अधिकृत लोकप्रिय उमेदवार आ.संदीप क्षीरसागर यांनी शहरातील विप्रनगर (ब्राह्मणवाडी) खासबाग, इस्लामपुरा बाबा चौकात मतदारांच्या प्रत्यक्ष गाठीभेटी घेतानाच कॉर्नर सभा घेतल्या.आ.संदीप भैय्या जिथे- जिथे पोहोचले तिथे- तिथे त्यांचे तरुण युवक मित्रांस नागरिकांनी अत्यंत उत्साहात आणि जल्लोषात स्वागत केले. याप्रसंगी त्यांच्यासमवेत माजी आ.सय्यद सलीम तसेच राष्ट्रवादी काँग्रेसचे प्रमुख सर्व पदाधिकारी महाविकास आघाडीचे पदाधिकारी व कार्यकर्ते मोठ्या संख्येने उपस्थित होते.
इस्लामपुरा, बाबा चौकातील कॉर्नर सभेत आ. संदीप क्षीरसागर म्हणाले,आपली निवडणूक जनतेने हाती घेतली आहे.या सर्वच भागातील वडीलधारी मंडळी,माता भगिनींनी आपल्याला आशीर्वाद दिले आहेत.सोबतच तरुण, युवकांचा जोश आणि जल्लोष येत्या २० तारखेला मतदान पेटीतून नक्कीच दिसेल असा विश्वास आहे. तुम्ही दाखवलेल्या विश्वासाला कधीही तडा जाऊ देणार नाही असा शब्द देतो अशी ग्वाही त्यांनी दिली.दरम्यान खासबाग भागातील युवकांनी आ.संदीप भैय्यांचे जल्लोषात स्वागत केले.
पेठ बीडशी माझे आपुलकीचे नाते कायम
निवडणुकीच्या शेवटच्या टप्प्यात रविवारी सायंकाळी आ. संदीप क्षीरसागर यांच्यासह राष्ट्रवादी काँग्रेसच्या प्रमुख पदाधिकाऱ्यांनी पेठ बीड भागातील ब्राम्हणवाडी (विप्रनगर) येथे कॉर्नर सभा घेतली.यावेळी या भागातील तरुणी मित्रांनी त्यांचे उत्साहात स्वागत केले.पेठ बीड भागातील नागरिकांशी माझं आपुलकीच नात आहे आणि ते कायम राहील अशी भावना या प्रसंगी आ.संदीप क्षीरसागर यांनी व्यक्त केली.या ठिकाणी अनेक युवकांनी राष्ट्रवादी काँग्रेस (शरदचंद्रजी पवार) पक्षात जाहीर प्रवेश केला.या सर्वांचे आ.संदीप क्षीरसागर यांनी मनःपूर्वक स्वागत करत येत्या २० नोव्हेंबरला आपण सर्वांनी अनुक्रमांक ३, “तुतारी वाजवणारा माणूस” या चिन्हासमोरील बटन दाबून प्रचंड मतांनी विजयी करावे असे आवाहन केले. शहरातील सर्व ठिकाणच्या कॉर्नर सभा, पदयात्रा आणि प्रत्यक्ष गाठीभेटी प्रसंगी मतदारांचा आ.संदीप क्षीरसागर यांना प्रचंड मोठा प्रतिसाद मिळाला.
