राजुरी गणाची रूईलिंब्यात कॉर्नर सभा
बीड प्रतिनिधी :- या निवडणुकीत प्रत्यक्ष उमेदवार जरी बजरंग सोनवणे असले तरी आपणच उमेदवार आहोत असे समजून काम करा. आणि आपल्या उमेदवाराला मतदानरूपी आशिर्वाद द्या असे आवाहन आ.संदीप क्षीरसागर यांनी राजुरी पंचायत समिती गणातील रूईलिंबा येथील कॉर्नर सभेत केले.
राजुरी न. पंचायत समिती गणातील गावांची रुईलिंबा येथे गुरुवारी (दि.२) रोजी कॉर्नर सभा झाली. यादरम्यान ही निवडणूक आपल्यासाठी प्रतिष्ठेची असून आपणच उमेदवार आहोत असे समजूनच काम करावे लागेल. आणि परिवर्तन आणण्यासाठी व आपले महत्वाचे प्रश्न मार्गी लावण्यासाठी आपल्या पुरोगामी विचाराच्या उमेदवाराला म्हणजेच बजरंग सोनवणे यांना मतदान रूपी आशिर्वाद देऊन मोठ्या फरकाने निवडून द्यावे लागेल याला पर्याय नाही. असे आ.संदीप क्षीरसागर यांनी यावेळी सांगितले. या बैठकीस माजी राज्यमंत्री प्रा. सुरेश नवले, माजी आ.सय्यद सलीम तसेच राजुरी पंचायत समिती गणातील सर्व पदाधिकारी, कार्यकर्ते तसेच ग्रामस्थ मोठ्या संख्येने उपस्थित होते.
