बीड : बांधकाम व्यावसायिक म्हणून संपूर्ण महाराष्ट्रात वेगळी ओळख निर्माण करणारे टाकळीचे (ता.केज) सुपुत्र राजाभाऊ आप्पाराव घुले यांनी बॉलीवूडमध्ये पदार्पण करत एका बिग बजेट सिनेमाची निर्मिती करून मुलगा दिपराजची प्रमुख भूमिका असलेला अंकुश नावाचा चित्रपट निर्मित केला आहे. या चित्रपटाचे बीडमध्ये आदित्य डेंटल कॉलेजमध्ये मंगळवारी (दि.३) प्रमोशन झाले. यावेळी हजारो प्रेक्षकांनी गर्दी केली होती.
राजाभाऊ घुले यांनी उद्योग क्षेत्रातून आता बॉलीवूडमध्ये एन्ट्री केली असून दीपराजचा प्रमुख भूमिका असलेला अंकुश नावाचा बिग बजेट चित्रपटाची निर्मिती केली आहे. येत्या 6 ऑक्टोबरला हा चित्रपट सर्वत्र प्रदर्शित होत आहे. या चित्रपटाचे प्रमोशन चित्रपटातील प्रमुख कलाकारांच्या उपस्थितीत झाले. सुप्रसिद्ध अभिनेत्री केतकी माटेगावकर, अभिनेता दीपराज घुले आणि भाजपचे युवा नेते विष्णू घुले यांच्यासह मान्यवरांच्या हस्ते चित्रपटाच्या पोस्टरचे अनावरण करण्यात आले. यावेळी कलाकारांसह बारामती येथील चांडाळ चौकडी ही विनोदी टीमही आली होती. त्यातील कलाकारांनी कला सादर करून प्रेक्षकांची मने जिंकली. यावेळी बीड जिल्ह्यातील भाजपसह सर्वपक्षीय नेतेमंडळी, सामाजिक कार्यकर्ते, कलाक्षेत्रातील व्यक्ती यांच्यासह बीडकरांची मोठ्या संख्येने उपस्थिती होती.
