प्रारंभ वृत्तसेवा
बीड : शहरातील जालना रोड परिसरामध्ये आज ता. ०३ सकाळी एका बकेटमध्ये अर्भक आढळल्याने खळबळ उडाली. घटनेची माहिती परिसरातील लोकांनी पोलिसांना दिल्यानंतर घटनास्थळी पोलीस दाखल झाले असून पुढील प्रक्रिया सुरू आहे. शिवाजीनगरचे सहायक निरीक्षक अमोल गुरले, बीड शहरचे अशपाक सय्यद, मनोज परजने आदींनी धाव घेतली, तसेच घटनास्थळी नागरिकांनीही मोठी गर्दी केली आहे.
बीड शहरातील जालना रोड परिसरातील साई विठ्ठल प्रतिष्ठान समोरील मोकळ्या जागेमध्ये अर्भक आढळल्याने शहरांमध्ये खळबळ उडाली आहे. बकेट मधील अर्भक पूर्ण झाकल्यामुळे हे अर्भक स्त्री जातीचे आहे का? पुरुष जातीचे हे मात्र समजू शकले नाही. घटनास्थळी पोलीस दाखल झाले असून पुढील प्रक्रिया सुरू आहे. बीड जिल्ह्यामध्ये परत अर्भक आढळल्याने मात्र जिल्ह्यात खळबळ उडाली आहे,
