राष्ट्रवादीच्या जिल्हाध्यक्षपदी आमदार संदीप क्षीरसागर यांची निवड
बीड : राष्ट्रवादी मधून अजितदादा पवार बाहेर पडल्यानंतर, राष्ट्रवादीत दोन गट निर्माण झाले आहेत. बीड येथील राष्ट्रवादीचे जिल्हाध्यक्ष राजेश्वर चव्हाण यांनी अजित पवार गटाला पाठींबा दिल्यानंतर चव्हान यांना पक्षातून बडतर्फ करण्यात आले होते. यानंतर आज प्रदेशाध्यक्ष जयंत पाटील यांनी बीड जिल्हा राष्ट्रवादी अध्यक्षपदी आमदार संदीप क्षीरसागर यांची निवड केली आहे. खऱ्या अर्थाने बीड जिल्ह्यात राष्ट्रवादीला एक नवीन ऊर्जा मिळावी या अनुषंगाने राष्ट्रवादीचे सर्वेसर्वा शरद पवार यांनी ही जबाबदारी आमदार संदीप क्षीरसागर यांच्याकडे दिले आहे.
