बीड तालुक्यातील पाली परिसरातील दुर्दैवी घटना !
प्रारंभ वृत्तसेवा
बीड : तालुक्यातील पाली येथील स्मशानभूमीमध्ये अंत्यविधी सुरू असतानाच भरधाव वेगाने येणारा पिकअप अंत्यविधी कार्यक्रमात घुसल्याने एक जणांचा जागीच मृत्यू झाला तर एक जण गंभीर असून सात ते आठ जण जखमी झाले आहे. जखमींवर बीड शहरातील विविध हॉस्पिटलमध्ये उपचार सुरू आहेत.
पाली परिसरातील स्मशान भूमी या ठिकाणी आज (ता. १५) सायंकाळी स्वर्गीय आसराबाई किसनराव नवले यांचा अंत्यविधी सुरू होता. याच दरम्यान भरधाव वेगाने येणारा पिकअपवरील चालकाचे संतुलन सुटल्यामुळे हा पिकअप अंत्यविधी मध्ये घुसला यात संभाजी विठ्ठलराव जाधव (रा. रोळसगाव वय 50) हे मयत झाले व मसू जगताप करचुंडी वय 45 वर्ष व आश्रुबा शिंदे हे जखमी असून यांच्यासह आठ ते दहा जण अपघातात जखमी झाले आहेत. यांच्यावर शहरातील विविध रुग्णालयात उपचार सुरु आहेत.
याप्रसंगी शिवसेनेचे जिल्हा संघटन नितीन धांडे,राहुल नवले,अनिल साळुंखे,शरद नवले,अतुल नवले,रमेश नवले, तुकाराम धसे यांनी तात्काळ जखमींना रुग्णालयात नेण्यास मदत केली.
