वांगी येथील सरपंचांसह कार्यकर्त्यांचा राष्ट्रवादी काँग्रेसमध्ये जाहीर प्रवेश
बीडमध्ये युवा कार्यकर्त्यांच्या पाठींब्याने पारडे झाले आणखी मजबूत
बीड प्रतिनिधी : विधानसभा निवडणुकीचा प्रचार अंतिम टप्प्यात आलेला असताना मागील पाच वर्षात मतदारसंघात विकासाच्या अनेक योजना राबवत सर्वांना सोबत घेऊन घेतलेले निर्णय आणि केलेली वाटचाल यामुळे राष्ट्रवादी काँग्रेस (शरदचंद्रजी पवार) पक्ष, महाविकास आघाडी व मित्र पक्षाचे अधिकृत उमेदवार आ. संदीप क्षीरसागर यांच्या पाठीशी युवक, तरुण कार्यकर्ते कार्यकर्त्यांची मजबूत फळी भक्कमपणे उभा राहिली आहे. बीड तालुक्यातील वांगी येथील सरपंचांसह अनेक कार्यकर्त्यांनी राष्ट्रवादी काँग्रेस पक्षात प्रवेश केला तर, बीड शहरातील युवा कार्यकर्ते तथा संत रोहिदास विकास संघाचे बीड जिल्हाध्यक्ष यशराज बामणे यांच्यासह इतरांनी पाठिंबा दिला, त्यामुळे आमदार संदीप क्षीरसागर यांची मतदारसंघात आणखी ताकद वाढली असून त्यांचे पारडे जड झाले आहे.
आ.संदीप क्षीरसागर यांनी मागील पाच वर्षात बीड मतदार संघाचे प्रतिनिधित्व करत असताना राष्ट्रवादी काँग्रेस (शरदचंद्रजी पवार) पक्षाची विचारधारा शहरासह ग्रामीण भागात रुजवण्याचे काम केले, त्यामुळेच आता निवडणुकीच्या महत्त्वाच्या कालावधीत त्यांना साथ देण्यासाठी युवा, तरुण कार्यकर्ते सरसावले आहेत. पक्षामध्ये जाहीर प्रवेश आणि या निवडणुकीत पाठिंबा देणाऱ्या तरुण,युवकांची संख्या प्रचंड वाढू लागल्याने विरोधकांना मात्र धडकी भरली आहे.
शुक्रवारी (दि.१५) झालेला पक्षप्रवेश आणि जाहीर पाठिंबा प्रसंगी आ. संदीप क्षीरसागर यांनी सर्वांचे मनःपूर्वक आभार मानले. येत्या २० तारखेला मतदान यंत्रावरील अनुक्रमांक ३ तुतारी वाजवणारा माणूस या चिन्हासमोरील बटन दाबून आपल्या सर्वांची पुन्हा एकदा सेवा करण्याची संधी द्या असे आवाहन केले.
चर्मकार समाजाचे युवा नेतृत्व संत रोहिदास विकास संघाचे बीड जिल्हाध्यक्ष यशराज बामणे यांच्यासह अमर गायकवाड, महादेव शिंदे, श्रीमंत गायकवाड, लखन घुमरे, विलास वाघमारे, राजाभाऊ यादव, भोला गायकवाड, पप्पु शेळके, नटराज गोत्रळ व इतर युवकांनी विधानसभा निवडणुकीत गुरुवारी (दि.१४) बीड मतदार संघातून राष्ट्रवादी काँग्रेस (शरदचंद्रजी पवार) पक्ष व महाविकास आघाडीचे अधिकृत उमेदवार आ. संदीप क्षीरसागर यांना आपला पाठिंबा जाहीर केला याबद्दल आ.संदीप भैय्या यांनी सर्वांचे मनःपूर्वक स्वागत करत आपल्याला सोबत घेऊन काम केले जाणार असल्याचा शब्द दिला.
बीड तालुक्यातील वांगी येथे जेष्ठ आणि शेतीनिष्ठ शेतकरी जीवनराव बजगुडे यांच्यासोबत ग्रामस्थांशी आमदार संदीप क्षीरसागर यांनी प्रचारादरम्यान संवाद साधला.
यावेळी झालेल्या कार्यक्रमात
वांगीच्या अनेक तरुणांनी राष्ट्रवादी काँग्रेस (शरदचंद्र पवार) पक्षात जाहीर प्रवेश केला. यामध्ये वांगीचे सरपंच दिनकर शेळके, चंद्रसेन शेळके, अशोक शेळके, स्वाती शेळके, सचिन बजगुडे, परमेश्वर खडके, ज्ञानेश्वर हाडूळे, महादेव शेळके, रमाकांत शेळके, बिभिषण शेळके, रामहारी यादव, सखाराम येडे, बाळू हाडूळे, दत्ता हाडूळे, दशरथ काळे, अनुरथ बजगुडे, पोपट गिरी, योगेश गिरी, गोरक शेळके, अशोक बजगुडे, कृष्णा हाडूळे, सुग्रीव शेळके, अशोक गोडसे, प्रविण शेळके व अभिमान बजगुडे यांच्यासह अनेक मान्यवर उपस्थित होते. या सर्वांचे आ.संदीप क्षीरसागर यांनी मनःपूर्वक स्वागत केले.तसेच येणाऱ्या २० तारखेला आपलं चिन्ह-“तुतारी वाजवणारा माणूस” यासमोरील बटन दाबून प्रचंड मतांनी विजयी करा असे आवाहनही त्यांनी केले.
