बीड प्रतिनिधी :- ऐन निवडणुकीच्या काळात बीड मतदार संघात आ.संदीप क्षीरसागर यांच्या नेतृत्वाखाली राष्ट्रवादी काँग्रेस पार्टी (शरदचंद्र पवार) मध्ये, इतर पक्षाच्या कार्यकर्त्यांचे पक्षप्रवेश मोठ्या प्रमाणात होत आहेत. बुधवार (दि.६) रोजी बीड शहरातील मोमीनपुरा भागातील तसेच गुरूवारी (दि.७) रोजी नाळवंडी येथील अनेक कार्यकर्त्यांनी आ. क्षीरसागर यांच्या नेतृत्वाखाली राष्ट्रवादी काँग्रेस पक्ष (शरदचंद्र पवार) मध्ये प्रवेश केला.
बीड शहरातील मोमीनपुरा भागातील राष्ट्रवादी काँग्रेस (अजित पवार) गटाचे कार्यकर्ते असलेले ईशान मोमीन, आरसोलन मोमीन, मोशोरन मोमीन, रिजवान मोमीन, आवेझ मोमीन, शेख रिजवान, शेख नविद यांनी आपल्या समर्थकांसह बुधवार (दि.६) रोजी तसेच बीड तालुक्यातील नाळवंडी येथील ऋषी सोनवणे, जीवन राठोड, कृष्णा घोडके यांनीही आ. संदीप क्षीरसागर यांच्या नेतृत्वावर व देशाचे नेते खा.शरदचंद्र पवार साहेब यांच्या पुरोगामी विचारांवर विश्वास ठेवून आ. संदीप क्षीरसागर यांच्या उपस्थितीत राष्ट्रवादी काँग्रेस (शरदचंद्र पवार) पक्षात जाहीर प्रवेश केला.
