छत्रपती संभाजी नगर येथे जाऊन घेतली भेट
छत्रपती संभाजी नगर प्रतिनिधी – आ.संदीप क्षीरसागर यांनी मराठा योध्दा मनोज जरांगे पाटील यांची छत्रपती संभाजी नगर येथील गॅलक्सी हॉस्पिटलमध्ये जाऊन भेट घेतली. मराठा आरक्षणाच्या बाबत मी विधानसभा सदस्य, लोकप्रतिनिधी म्हणून मी वेळोवेळी शासनस्तरावर मागणी करून लेखी पाठींबा दिलेला आहे. व जोपर्यंत मराठा समाजाला आरक्षण मिळत नाही तोपर्यंत मनोज जरांगे पाटील यांच्यासोबत असेल अशी ग्वाही यावेळी आ.क्षीरसागर यांनी दिली.
मराठा आरक्षणाच्या मुद्द्यावर तब्बल नऊ दिवस उपोषण केल्यानंतर आता मनोज जरांगे पाटील यांच्यावर छत्रपती संभाजी नगर येथील गॅलक्सी हॉस्पिटलमध्ये उपचार सुरू आहेत. त्यांच्या तब्येतीची पाहणी करण्यासाठी आ.संदीप क्षीरसागर यांनी गॅलक्सी हॉस्पिटलमध्ये जाऊन भेट घेतली. यावेळी आ.क्षीरसागर यांनी श्री.जरांगे यांच्या तब्येतीची विचारपूस करून मराठा आरक्षणाच्या विषयावर सविस्तर चर्चा केली. मराठा समाजाला जोपर्यंत आरक्षण मिळत नाही तोपर्यंत प्रत्येक परिस्थितीत आम्ही मनोज जरांगे पाटील यांच्या सोबत आहोत. अशी ग्वाही यावेळी बीड विधानसभा मतदारसंघाचे आमदार तथा राष्ट्रवादी काँग्रेस पक्षाचे बीड जिल्हाध्यक्ष संदीप क्षीरसागर यांनी दिली. यावेळी कर्जत-जामखेड विधानसभा मतदारसंघाचे आमदार तथा राष्ट्रवादी-काँग्रेस पक्षाचे युवा नेते रोहीत पवार हे उपस्थित होते.
