अपघात होताच दुचाकीने घेतला पेट
प्रारंभ वृत्तसेवा
बीड : तालुक्यातील मसोबा फाटा परिसरातील रिलायन्स पेट्रोल पंप परिसरात आज (ता. ०३) सकाळी दुचाकी व कारचा अपघात झाल्याने यामध्ये दुचाकी वरील दोन शिक्षकांचा जागीच मृत्यू झाला. या दुर्दैवी घटनेने सर्वत्र हळहळ व्यक्त केली जात आहे.
शिरूर येथील कालिंका देवी महाविद्यालयातील दोन शिक्षक आज सकाळी ड्युटी साठी शिरूर कडे जात होते, परंतु बीड तालुक्यातील मसोबा फाटा परिसरातील रिलायन्स पेट्रोल पंपा समोर भरधाव येणाऱ्या कारणे दुचाकीला धडक दिली. यात दुचाकीवरील प्रा. शहादेव शिवाजी डोंगर व प्रा. गव्हाणे अंकुश साहेबराव यांचा जागीच मृत्यू झाला. या घटनेने मात्र जिल्ह्यामध्ये सर्वत्र हळहळ व्यक्त केली जात आहे.
