प्रारंभ वृत्तसेवा
बीड : पाटोदा तालुक्यातील डोंगरकिन्ही कल्याण महामार्ग वरील जाटनांदुर येथे दोन गाड्या समोरासमोर धडकल्याने यात चार जणांचा जागीच मृत्यू झाल्याची दुर्दैवी घटना आज (ता. २८) सायंकाळी घडली. परिसरातील लोकांनी जखमींना तात्काळ उपचारासाठी रुग्णालयात दाखल केले होते.
बीडडकडून नगरकडे जाणाऱ्या टेम्पोने (एमएच-21 बीएच-3820) नगरहून बीडकडे येणाऱ्या स्कार्पिओला (एमएच-12, एफके-9010) जोराची धडक दिली. या भीषण अपघातात स्कार्पिओ गाडीतील चौघांचा जागीच मृत्यू झाला. तर दोघे जखमी झाले आहेत. मृतामध्ये दोन महिला व दोन पुरुषांचा समावेश असून जखमींना तातडीने बीड जिल्हा रुग्णालयात उपचारासाठी दाखल करण्यात आले आहे. घटनास्थळी अंमळनेर पोलीसांसह परिसरातील नागरिकांनी धाव घेतली. दोन्ही वाहने रस्त्यावरच आडवी झाल्याने वाहतूक कोंडी निर्माण झाली होती. ही वाहने पोलीसांनी नागरिकांच्या मदतीने बाजूला करत वाहतूक कोंडी सुरुळीत केली.
