बीड शहर ऑटो रिक्षा युनियनच्या पदाधिकाऱ्यांचा आ.संदीप क्षीरसागर यांना पाठींबा
बीड (प्रतिनिधी) बीड शहर ऑटो रिक्षा युनियनच्या सर्व पदाधिकाऱ्यांनी विधानसभेच्या निवडणुकीत जावेद कुरेशी यांच्या उपस्थितीत आ.संदीप क्षीरसागर यांना पाठिंबा दिला.यामुळे त्यांचे पारडे आणखी मजबूत झाले असून तरुण युवकांचे मजबूत संघटन पाठीशी खंबीरपणे उभे राहिले आहे. आपण सर्वांना सोबत घेऊन मतदार संघाच्या विकासासाठी कायम वाटचाल करत आहोत म्हणूनच अमिषाच्या जोरावर नाही तर तुम्हा सर्वांच्या पाठबळावर या निवडणुकीत देखील आपला विजय निश्चित आहे असा विश्वास आ. संदीप क्षीरसागर यांनी व्यक्त केला.
बीड विधानसभा मतदारसंघाचे राष्ट्रवादी काँग्रेस (शरदचंद्र पवार) पक्ष, महाविकास आघाडी व मित्र पक्षाचे अधिकृत उमेदवार आ. संदीप क्षीरसागर यांच्या नेतृत्वावर विश्वास दाखवून दररोज मोठ्या संख्येने तरुण, युवक तसेच विविध गावचे सरपंच, ग्रामपंचायत सदस्य, माजी सरपंच पक्ष प्रवेश तसेच जाहीर पाठिंबा देऊन या निवडणुकीत पाठबळ देत आहेत निवडणूक प्रचाराच्या अंतिम टप्प्यात बीड शहरातील यांच्या सर्व पदाधिकाऱ्यांनी जावेद कुरेशी यांच्या प्रमुख उपस्थितीत राष्ट्रवादी काँग्रेसचे अधिकृत उमेदवार आ. संदीप क्षीरसागर यांना पाठिंबा दिला आहे. या सर्वांचे आ. संदीप क्षीरसागर यांनी स्वागत करत येत्या २० तारखेला अनुक्रमांक ३, तुतारी वाजवणारा माणूस या चिन्हासमोरील बटन दाबून प्रचंड मतांनी विजयी करण्याचे आवाहन केले.
संत नामदेवनगरमधील युवकांचा पक्षप्रवेश
दरम्यान रविवारी बीड शहरातील संत नामदेव नगर येथील अरुण समुद्रे व इतर युवकांनी पक्षात प्रवेश केला. या सर्वांचे आ.संदीप क्षीरसागर यांनी पक्षाला स्वागत करून शुभेच्छा दिल्या.
ख्रिस्ती बांधवांशी संवाद
आ.संदीप क्षीरसागर यांनी निवडणूक प्रचारार्थ बीड येथील जालना रोड येथील कॅथोलीक चर्च व असेंम्ब्लीज ऑफ गॉड चर्च येथे भेट दिली. जमलेल्या ख्रिस्ती बांधवांशी संवाद साधला. धर्मगुरू यांनी स्वागत करून आशिर्वाद दिले.यावेळी संदीप भैय्यांनी त्यांचे आभार व्यक्त केले.
