धनंजय मुंडे व पंकजाताई मुंडे यांची सिरसाळ्यात सायंकाळी 7 वा संयुक्त प्रचारसभा
परळी वैद्यनाथ – धनंजय मुंडे यांनी प्रचारात जोरदार आघाडी घेतली असून उद्या शुक्रवार (दि. 15) रोजी धनंजय मुंडे यांच्या प्रचारार्थ परळी मतदारसंघात दोन प्रचार सभांचे आयोजन करण्यात आले आहे.
पहिली सभा ही सायंकाळी 5 वाजता धनंजय मुंडे यांच्या प्रमुख उपस्थितीत अंबाजोगाई तालुक्यातील घाटनांदूर येथे बाजार चौकात आयोजित करण्यात आली आहे. या सभेस धनंजय मुंडे यांच्यासह महायुतीतील स्थानिक मान्यवर नेते व पदाधिकारी आदी उपस्थित राहतील.
दुसऱ्या सभेस धनंजय मुंडे यांच्यासह आ.पंकजाताई मुंडे या देखील उपस्थित राहणार असून, ही संयुक्त प्रचार सभा सिरसाळ्यातील जायकवाडी वसाहत मैदानात आयोजित करण्यात आली आहे.
धनंजय मुंडे यांच्या प्रचारात आ.पंकजाताई, माजी खा.डॉ.प्रीतमताई, माजी आ.आर टी जिजा देशमुख, माजी आ.संजय भाऊ दौंड, यांच्यासह महायुतीतील अनेक मान्यवर नेते सहभागी झाल्याने मुंडेंचे पारडे जाड झाल्याचे मानले जात आहे.
