अंबाजोगाई प्रतिनिधी :- जसजशी विधानसभा निवडणूक जवळ जवळ येऊ लागली आहे तशाच प्रत्येक उमेदवार आपला प्रचार जोमात करण्यासाठी प्रयत्न करत आहे. मतदार संघात मोठमोठ्या नेत्यांच्या सभांच्या तोफा देखील धडाडत आहेत. केज विधानसभा मतदार संघातील महाविकास आघाडीचे उमेदवार पृथ्वीराज साठे हे देखील केज मतदार संघ जंग जंग पछाडून काढत आहेत.शहरी भागासह ग्रामीण भागातील प्रत्येक गावकुसापर्यंत पोचून आपणास मतदान रुपी आशिर्वाद देण्याचे आवाहन करत आहेत. त्यांच्या या आवाहनाला ग्रामीण भागातील मतदारांकडून दांडगा प्रतिसाद मिळत आहे.
मंगळवार दि १२ रोजी
अंबाजोगाई तालुक्यातील कुंबेफळ, नांदडी, ममदापूर, पाटोदा,देवळा,अंजनपूर,कोपरा या गावांना भेटी देऊन तेथील ग्रामस्थ तस्थ मतदारांशी सावंद साधला. यावेळी अंजली ताई घाडगे, तालुकाध्यक्ष अमर देशमुख, दिपक शिंदे,रघुनाथ कुचेकर, यशोधन लोमटे, गणेश घाडगे,सुधाकर देशमुख,रणजित जोगदंड यांच्यासह अनेक सहकारी कार्यकर्ते उपस्थित होते. या गावांना भेटी दिल्या असतांना गावकऱ्यांच्या वतीने पृथ्वीराज साठे यांचे अतिशय भारावून टाकणारे असे स्वागत केले. यावेळी गावकऱ्यांचा उत्साह पाहूनआपणास मोठी ऊर्जा मिळाल्याची भावना पृथ्वीराज साठे यांनी व्यक्त केली. गावात गेल्यानंतर छत्रपती शिवाजी महाराज चौकात शिवछत्रपतींनापुष्पहार अर्पण करून वंदन केले. त्याचबरोबर कार्तिकी एकादशी निमित्ताने नांदडी गावात श्रीविठ्ठल रुक्मिणीचे दर्शन घेऊन आशीर्वाद घेतले.
मागील अनेक वर्षांपासून लोकप्रतिनिधी व त्यांच्या नातेवाईकांच्या दहशत व एकाधिकार शाहीला कंटाळलेले नागरिक तथा ग्रामस्थ साठे यांच्या पाठीशी भक्कमपणे उभा राहणार असल्याची ग्वाही देत आहेत. ग्रामीण भागातील मतदारांचा पाठिंबा तसेच उत्स्फूर्तपना निश्चितपणे महाविकास आघाडीचे उमेदवार पृथ्वीराज साठे यांना विजयाकडे घेऊन गेल्याशिवाय राहणार नाहीत असे चित्र संपूर्ण केज विधानसभा मतदारसंघात निर्माण झाल्याचे दिसून येत आहे .
