आ.संदीप क्षीरसागरांसाठी उद्या शरद पवार साहेब बीडला
पवार साहेबांच्या सभेला मोठ्या संख्येने उपस्थित राहा-आ.संदीप क्षीरसागर
बीड प्रतिनिधी : बीड जिल्ह्याच्या राजकारणाची सर्व समीकरणे बदलणार असून राष्ट्रवादी काँग्रेस पार्टी (शरदचंद्र पवार) चे अध्यक्ष महाविकास व इंडिया आघाडीचे प्रमुख नेते खा.शरदचंद्र पवार साहेबांच्या बीड जिल्ह्यात सभा होणार आहेत. आपल्या सर्व उमेदवारांसाठी पवार साहेब ‘वारं फिरविणार’ आहेत. दरम्यान बीड विधानसभा मतदारसंघाचे विद्यमान एकनिष्ठ आमदार संदीप क्षीरसागर यांच्यासाठी खा.शरदचंद्र पवार साहेब शनिवारी (दि.9) रोजी बीड शहरात जाहीर सभा घेणार आहेत. या सभेला मोठ्या संख्येने उपस्थित रहा असे आवाहन आ.संदीप क्षीरसागर यांनी केले आहे.
आ.संदीप क्षीरसागर यांनी केली सभा स्थळाची पाहणी
शुक्रवार दि.8 नोव्हेंबर रोजी सभास्थळी जावून स्वत: पाहणी करून नियोजनाचा आढावा घेतला. सभेचे नियोजनात कसलीही कसर राहणार नाही याची दक्षता स्वत: आ.संदीप क्षीरसागर घेत आहेत.
