जिल्ह्यात आज कमी रुग्ण; कोरोनाचा कहर कमी
प्रारंभ वृत्तसेवा
बीड : जिल्ह्यात दिवसेंदिवस कोरोनाचा कहर कमी होत आहे. आज जिल्ह्यातील सहा तालुक्यात तर दहा पेक्षाही कमी रुग्ण आढळून आले तर जिल्ह्यात 130 रुग्ण वाढले. जिल्ह्यात कोरोनाचा कहर कमी झाल्यामुळे जिल्ह्याला मोठा दिलासा मिळत आहे.
आज दुपारी आरोग्य विभागाकडून प्राप्त झालेल्या 2866 अहवाला पैकी 2736 अहवाल निगेटिव्ह आले तर 130 अहवाल पॉझिटिव्ह आले. यात अंबाजोगाई 15, आष्टी 9, बीड 28, धारुर 7, गेवराई 4, केज 23, माजलगाव 13, परळी 5, पाटोदा 5, शिरुर 16, वडवणी 6 असे एकुण 130 रुग्ण जिल्ह्यात आढळून आले. जिल्ह्यात कोरोनाचा कहर कमी होत असल्याने जिल्ह्याला मोठा दिलासा मिळत असला तरी सर्वांनी आरोग्य विभागाने दिलेल्या सुचनांचे पालन करण्याची गरज आहे.
