डॉ.योगेश भैय्यांच्या आवाहनाला बीडकरांनी अभूतपूर्व उपस्थितीतून प्रतिसाद दिला
बीड प्रतिनिधी : योगेश पर्वातील ऐतिहासिक जन्मोत्सव सोहळा पाहण्यासाठी शिवप्रेमींचा शिवसागर शिवतीर्थावर अक्षरशः उसळलेला पहावयास मिळाला. या शिवसागरात शिवभक्तांनी भगवे फेटे बांधून आणि भगवा झेंडा हातात घेऊन आकर्षक विद्युत रोषणाई मध्ये छत्रपतींच्या जयघोषाने वातावरण प्रफुल्लित आणि मनमोहक झाले होते.
डॉ.योगेश भैय्या क्षीरसागर यांच्या आवाहनाला प्रतिसाद देत बीडकरांनी शिवजन्मोत्सव सोहळयात अलोट गर्दी केली होती.
अभिनेता भाऊ कदम यांनी नमस्कार बीडकर म्हणत आपल्या खास शैलीत संवाद साधला.यावेळी त्यांनी महाराजांना मानाचा मुजरा करत जय भवानी जय शिवाजी चा जयघोष केला.याप्रसंगी त्यांनी शिवजयंती सोहळ्याला आमंत्रित केल्याबद्दल डॉ.योगेश भैय्या क्षीरसागर यांचे आभार मानले.यावेळी महिला भगिनीशी संवाद साधत त्यांनी उपस्थित जनसमुदयाला संबोधित केले
आगामी काळात अभ्यासू सुसंस्कृत असणारा चेहरा बीड चं खंबीर नेतृत्व योगेश पर्व च्या माध्यमातून नागरिकांना आनंद आणि समाधान नक्कीच देऊ शकते हे पुन्हा एकदा डॉ.योगेश भैय्या क्षीरसागर यांनी परत एकदा आपल्या शिस्तबध्द नियोजनातून सिद्ध केले. बीड शहरातील, ग्रामीण भागातील विविध जाती धर्मातील लोकांनी दिवाळी सारखा शिवजन्मोत्सव साजरा केला. अल्पावधीतच तरूणाईच्या गळ्यातील ताईत बनलेल्या डॉ.योगेश भैय्याना तरुणाईने आपल्या अंगा-खांद्यावर उचलून गाण्यांवर ठेका धरला. या दैदिप्यमान शिवजन्मोत्सवातील शिवप्रेमींचा उत्साह पाहून डॉ.योगेश भैय्या देखील त्यांच्यासोबत मनसोक्त थिरकताना दिसले.
डॉ.योगेश भैय्या क्षीरसागर यांच्या नेतृत्वाखाली आणि मार्गदर्शनाखाली पार पडलेला हा ऐतिहासिक शिवजन्मोत्सव लहानांपासून ते थोरांपर्यंत सर्वांनाच भारावून गेला.गेल्यावर्षी प्रमाणे डॉ.योगेश क्षीरसागर यांनी यावेळेस देखील शिवप्रेमींनी आनंदोत्सव साजरा करता यावा यासाठी पुढाकार घेतला. यंदाचा शिव जन्मोत्सव ऐतिहासिक आणि दैदिप्यमान बनवण्यासाठी
दिवसरात्र परिश्रम घेत आपल्या अभिनव संकल्पनेतून बीडवासियांसाठी विविध कार्यक्रम आयोजित करून यावेळेसची शिवजयंती अनोख्या पद्धतीने साजरी करत डॉ.योगेश भैय्या क्षीरसागर यांनी बीड शहरी, ग्रामीण भागातील तमाम शिवप्रेमींची मने जिंकली. डॉ.योगेश भैय्या क्षीरसागर यांनी आपल्या कुटुंबासह छत्रपती शिवाजी महाराजांना शिवतीर्थावर जाऊन अभिवादन करून जन्मोत्सवाचा प्रारंभ केला. शिव जयंतीच्या निमित्ताने गेल्यावर्षी प्रमाणे यावेळेस देखील लेझर शो, लेझर लाईट शो आयोजित केला. या कार्यक्रमाला बीडकरांनी हजारोंच्या संख्येने सहभागी होऊन दाद देत या सोहळ्याचा मनसोक्त आनंद घेतला. शिवप्रेमींना शिवरायांच्या ऐतिहासिक ठेव्यासोबत आपल्या परिवारासह सेल्फी घेण्यासाठी संत तुकारामांच्या सोबतच्या भेटीचा प्रसंग सेल्फी पॉइंटसाठी उभारणी केली होती. या सेल्फी पॉइंट समोर शेकडो कुटुंबांनी सेल्फी घेऊन मनमुराद आनंद घेतला. शिवजन्मोत्सव निमित्त डॉ.सारिका ताई क्षीरसागर यांच्या संकल्पनेतून चित्र-शिल्प प्रदर्शन महोत्सवाचे आयोजन करून चित्रकारांना व्यासपीठ उपलब्ध करून दिले.यामध्ये ६० चित्रकारांनी सहभाग नोंदवत २०० चित्र आणि शिल्प प्रदर्शनात ठेवण्यात आले. या महोत्सवात जवळपास सहा ते साडे सहा हजार नागरिकांनी उत्स्फूर्तपणे उपस्थिती दर्शवली. योगेश पर्वात साजरी करण्यात आलेली शिवजयंती बीडकरांसाठी ऐतिहासिक आणि अविस्मरणीय ठरली आहे. योगेश पर्वातील शिव जन्मोत्सव आकर्षित, नयनरम्य, अवर्निय असू शकतो तर वर्षातील प्रत्येक सण देखील असाच आनंददायी वातातवरणात साजरा होईल असा ठाम विश्वास बीडकरांना योगेश पर्वातील शिव जन्मोत्सवातून मिळाला.
