शहरातील अशोक नगर भागातील शाळा खोलीचे लोकार्पण
बीड प्रतिनिधी :- शिक्षण हे गरीबी आणि बेरोजगारी दूर करण्याचे सर्वात मोठे आणि प्रभावी साधन असून शिक्षण जितके जास्त आणि दर्जेदार असेल तितकी विकासाची शाश्वती असते. असे मत आ.संदीप क्षीरसागर यांनी सोमवार (दि.४) रोजी बीड शहरातील अशोक नगर भागातील जिल्हा परिषद शाळेच्या वर्गखोली लोकार्पण कार्यक्रमात व्यक्त केले.
बीड शहरातील अशोक नगर भागातील जिल्हा परिषद शाळेच्या वर्गखोली लोकार्पणाचा सोमवार (दि.४) रोजी आ.संदीप क्षीरसागर यांच्या उपस्थितीत पार पडला. यावेळी आ.क्षीरसागरांच्या हस्ते नवीन बांधकाम झालेल्या वर्गखोलीचे लोकार्पण करण्यात आले. तसेच याठिकाणी आणखी एक नवीन वर्गखोली बांधकामाचे उद्घाटनही करण्यात आले. यावेळी माजी आ.सय्यद सलीम, या भागातील नागरिक, शाळेतील सर्व शिक्षक वृंद व विद्यार्थी उपस्थित होते.
