-13 जणांचा आता पर्यंत मृत्यू; 15 जणांना वाचवण्या यश
–इंदूरहून पुण्याच्या दिशेने निघाली होती महाराष्ट्राची बस
-एकूण 50 ते 55 प्रवाशी असल्याची शक्यता
प्रारंभ वृत्तसेवा
बीड : मध्ये प्रदेश येथील धारमध्ये एका धक्कादायक घटना घडली आहे. इंदूरहुन सकाळी पुण्याच्या दिशेने निघालेली महाराष्ट्राची बस नर्मदा नदीत कोसळल्याची दुर्दैवी घटना आज (ता. 18) दुपारी घडली. यात 13 प्रवाशांचा मृत्यू झाला असून 15 जणांना वाचवण्यात यश आले आहे. यात एकूण 50 ते 55 प्रवासी असण्याची शक्यता वर्तवण्यात येत आहे. अपघातग्रस्त बसला क्रेनच्या मदतीने नदीबाहेर काढण्यात आले आहे.
महाराष्ट्र सरकारची बस होती, सकाळी 7च्या सुमारास इंदूरवरुन जळगावकडे जात होती, इंदूरमध्ये 12 प्रवासी चढले.. नर्मदा नदीवरील ब्रिजवरुन खाली कोसळली. आतापर्यंत 15 जणांना वाचवण्यात यश आलं आहे. या बसमध्ये 50 ते 55 प्रवासी होते, अशी माहिती आहे. या दुर्घटनेतील मृतांची संख्या वाढण्याची भीती व्यक्त केली जात आहे. एसटी महामंडळाचे व्यवस्थापकीय संचालक शेखर चन्ने यांनी दिलेल्या माहितीनुसार, अपघातग्रस्त बस ही जळगावमधील अमळनेर येथे येणार होते. या घटनेची माहिती मिळाल्यानंतर एसटीचे अधिकारीदेखील घटनास्थळी रवाना झाले असल्याची माहिती चन्ने यांनी दिली.
मुख्यमंत्री शिंदे यांनी घेतली दखल
शिंदे गटाचे प्रवक्ते दीपक केसरकर यांनी सांगितलं की, इंदूरहून येणाऱ्या बस अपघाताची माहिती मुख्यमंत्री यांनी घेतली आहे. आम्ही अपघातात मृत्युमुखी पडलेल्या प्रवाशांच्या दुःखात सहभागी आहोत. सीएम याबाबात अधिक माहिती घेत आहेत दरम्यान, एसटी बसचा अपघात झाल्याची माहिती समोर आल्यानंतर मध्य प्रदेशचे मुख्यमंत्री शिवराज चौहान यांनी घटनास्थळी एसडीआरएफला दाखल होण्याचे निर्देश दिले. मदत आणि बचाव कार्य तातडीने सुरू करण्याचे निर्देश त्यांनी दिले. मुख्यमंत्री चौहान हे इंदूर जिल्हा प्रशासनाच्या संपर्कात आहेत.
