मतदानाची गोळाबेरीज करून सी ए जाधव उतरले निवडणुकीच्या रिंगणात

जरांगे पाटलांच्या सूचनेवरून दाखल केला उमेदवारी अर्ज

बीड – बीड विधानसभा मतदार संघातून गेल्या काही महिन्यांपासून मतदानाची गोळा बेरीज करून सीए बीबी जाधव यांनी आज जरांगे पाटलांच्या सूचनेवरून बीड विधानसभा मतदारसंघातून आपला उमेदवारी अर्ज दाखल केला आहे. उच्चशिक्षित सनदी अधिकारी आणि प्रत्येक सामाजिक कार्यात अग्रेसर असलेल्या बी बी जाधव यांनी सोमवारी आपला उमेदवारी अर्ज दाखल केला. प्रस्थापितांच्या विरोधात विस्थापितांचा आवाज म्हणून सीए जाधव हे मागील अनेक वर्षांपासून सामान्यांच्या अडीअडचणी सोडवण्यासाठी कटिबद्ध असल्याचे दिसून येतात. जाधव यांच्या या स्वभावामुळे अठरापगड जातीची लोक त्यांच्याशी जोडले गेलेले आहेत. जाधव यांच्या याच कार्याची दखल घेत मराठा संघर्ष योद्धा मनोज जरांगे पाटील यांनी त्यांना बीड विधानसभा मतदारसंघातून अर्ज भरण्यासाठी सूचना केल्या होत्या. पाटलांच्या आदेशाचा मान ठेवत 230 बीड विधानसभा मतदारसंघातून बीबी जाधव यांनी त्यांचा उमेदवारी अर्ज दाखल केलेला आहे. हा अर्ज दाखल करताना त्यांच्या समवेत अनिल जगताप,मंगेश पोकळे, हनुमान मुळीक, ज्ञानदेव काशीद आदी उपस्थित होते.