बीडमध्ये शिवसेनेची जिल्हा बैठक संपन्न
बीड, प्रतिनिधी – हिंदुहृदयसम्राट शिवसेनाप्रमुख बाळासाहेब ठाकरे, धर्मवीर आनंद दिघे साहेब, यांच्या आशीर्वादाने शिवसेना मुख्य नेते तथा महाराष्ट्र राज्याचे मुख्यमंत्री एकनाथजी शिंदे साहेब, संसदरत्न खासदार डॉ. श्रीकांतजी शिंदे साहेब यांच्या आदेशाने तसेच मराठवाडा संपर्क नेते अर्जुनजी खोतकर साहेब, जिल्हा संपर्कप्रमुख डॉ. विजय पाटील, विधानसभा संपर्कप्रमुख बापूसाहेब मोरे यांच्या सूचनेवरून दि. 13 जुलै रोजी शिवसेना जिल्हा मध्यवर्ती कार्यालय जालना रोड, बीड येथे शिवसेना जिल्हाप्रमुख मा. अनिलदादा जगताप यांच्या मार्गदर्शनाखाली शिवसेना पदाधिकाऱ्यांची जिल्हा बैठक पार पडली. या बैठकीमध्ये जिल्हाप्रमुख अनिलदादा जगताप आणि सचिन भैय्या मुळूक तथा सर्व पदाधिकाऱ्यांच्या उपस्थितीमध्ये शिवसेना सदस्य नोंदणी अभियानाचा शुभारंभ करण्यात आला.
जिल्हाप्रमुख अनिलदादा जगताप आणि सचिन मुळूक यांनी उपस्थित पदाधिकाऱ्यांना शिवसेना सदस्य नोंदणी अभियाना विषयक मार्गदर्शन केले. बीडमध्ये शिवसेना सदस्य नोंदणी जास्तीतजास्त प्रमाणात करा असे आवाहन केले. याबरोबरच अनिलदादा जगताप यांनी आपल्या सर्वांचे नेते तथा महाराष्ट्र राज्याचे लाडके मुख्यमंत्री दिवसरात्र काम करत आहेत, आपले जनतेप्रती असणारे कर्तव्य पार पडत आहेत. यामुळे आपण देखील सर्वांनी त्यांच्या कार्याला प्रेरित होऊन पक्ष संघटन मजबूत करण्यासाठी योगदान द्यायला हवं. महाराष्ट्रातील सर्व जिल्ह्यापेक्षा सर्वाधिक सदस्य नोंदणी अभियान बीड जिल्ह्यात राबविण्यात यायला हवे असे जिल्हप्रमुख अनिलदादा जगताप यांनी मार्गदर्शन सूचना केल्या. दरम्यान परमेश्वर डाके यांची शिवसेना शेतकरी सेनेच्या बीड जिल्हाध्यक्ष पदी नियुक्ती करण्यात आली. या बैठकीसाठी जिल्हप्रमुख सचिन भैय्या मुळूक यांच्यासह शिवसेना, महिलाआघाडी, युवासेना, पदाधिकारी तथा लोकप्रतिनिधी, जिल्हा संघटक, जिल्हा समन्वयक, विधानसभा प्रमुख, उपजिल्हाप्रमुख, तालुकाप्रमुख, शहर प्रमुख, उपतालुकाप्रमुख, उपशहर प्रमुख, विभाग प्रमुख व सर्कलप्रमुख यांची उपस्थिती होती.
