शहरातील सामन्याचे प्रश्न सोडवण्यासाठी ठोस कृती कार्यक्रम
बीड- शहरातील प्रत्येक प्रभागात असणाऱ्या नगरसेवकांनी केलेल्या मागणीनुसार ठिकठिकाणच्या कामांना आता वेग येणार आहे आज झालेल्या सर्वसाधारण सभेत नगराध्यक्ष डॉ भारतभूषण क्षीरसागर यांनी नेमक्या अडचणी लक्षात घेऊन ही कामे पूर्ण करण्यासाठी सर्वसाधारण सभेत नगरपालिकेला लागणाऱ्या सर्व सोयी सुविधा तातडीने उपलब्ध व्हाव्यात यासाठी अनेक ठराव मंजूर केले असून सर्व कामाच्या निविदासाठी मंजुरी देण्यात आल्याची माहिती नगराध्यक्ष डॉ क्षीरसागर यांनी दिली आहे
आज बीड नगर पालिकेची ऑनलाइन सर्व साधारण सभा घेण्यात आली या सभेत शहरातील विविध भागात लागणाऱ्या साहित्य खरेदीला मंजुरी घेण्यात आली तसेच बीड शहरातील भाजी मंडई येथील अहिल्याबाई होळकर सभागृह महिला बचत गटाला भाडेतत्वावर देण्यासाठी प्रसिद्ध करण्यात आलेल्या ई- निविदेस मान्यता देण्यात आली तर विशेष रस्ता अनुदान सन २०१६-१७ अंतर्गत बीड शहरातील विकास कामांना मान्यता देण्यात आली
वैशिष्ट्यपूर्ण योजना२०१६-१७ अंतर्गत भगवानबाबा प्रतिष्ठान जवळील हिंदू स्मशानभूमी विकसित करणे बाबतचा निर्णय घेण्यात आला, सन २०२१-२२ करिता भांडार विभागांतर्गत विविध विषयाबाबत ई- निविदा प्रसिद्ध करून दरपत्रक मागविणेस मान्यता,नगर परिषदेच्या विविध विभागाकरिता लिखाण साहित्य खरेदी करणे बाबत
चारचाकी वाहने किरायाने लावणे बाबत ,नगर परिषदेच्या विविध विभागाकरिता छपाई साहित्य खरेदी बाबत
पाणी पुरवठा विभागासाठी ब्लिचिंग पावडर, तुरटी, फ्लोरिन गॅस खरेदी बाबत
बीड नगर परिषदेच्या कर्मचाऱ्याकरिता गणवेश खरेदी बाबत,स्वच्छता व आरोग्य विभागाकरिता लोखंडी औजारे खरेदी बाबत
आरोग्य विभागाकरिता जंतुनाशक औषधी खरेदी करणे बाबत,नगर परिषदेच्या स्वच्छता विभागाकरिता
रस्ते सफाई (झाडणे) साठीमशीन खरेदी करणे बाबत,सन २०२१-२२ या वर्षांकरिता विद्युत विभागांतर्गत विविध विषयी ई- निविदा प्रसिद्ध करून दरपत्रक मागविणेबाबत,सन २०२१-२२ च्या वर्षांकरिता बीड शहरातील थोर पुरुषांच्या पुतळ्याची विद्युत रोषणाई व इतर आवश्यक साहित्य पुरवठा करणेकरिता निविदा प्रसिद्ध करून दरपत्रक मागविणेस मंजुरी देण्यात आली तर बीड शहरातील१ एच पी ते १० एच पी लघुदाब पंप दुरुस्ती करिता निविदा प्रसिद्ध करून दरपत्रक मागविणे बाबत.,शहरातील शिवाजी पुतळा चौक, साठे चौक, नगर नाका येथील सिग्नल दुरुस्ती करिता निविदा मागविनेस मान्यता देण्यात आल्याची माहिती नगराध्यक्ष डॉ भारतभूषण क्षीरसागर यांनी दिली आहे,
*चौकट*
सभागृहात पालिकेच्या संचिका हिसकावून घेणाऱ्या शेख वकील अहेमद व उपनगराध्यक्ष हेमंत क्षीरसागर यांचे स्विय सहाय्यक कुलदीप घोडके या दोघांच्या विरोधात बीड नगरपालिकेचे सहाय्यक रचनाकार श्री. आशुतोष कावलकर व रचना सहाय्यक अंकुश लिंबके यांच्याकडून बांधकाम परवानगी मिळणे बाबतची संचिका बळजबरीने हिसकावून घेतल्याबद्दल गुन्हे दाखल करण्यासाठी सर्व नगरसेवकांचे एकमत झाले व उपनगराध्यक्षाच्या विरोधात अपात्रतेचा ठराव मानण्यात आला. यावेळी भिमराव वाघचौरे यांनी ठराव मांडला, अनुमोदन नगरसेवक प्रभाकर पोपळे, विकास जोगदंड दिले. यावर गटनेते फारुक पटेल, नगरसेवक रणजित बनसोडे यांच्यासह अन्य नगरसेवकांनी सहमती दर्शविली व ठराव बहुमताने मंजुर झाला.
*चौकट*
खान खाँ सभागृहासाठी बीड नगरपालिकेच्या माध्यमातून शहरातील झमझम कॉलनी येथे जागा उपलब्ध करुन दिल्याबद्दल पूर्ण शहरातील मुस्लिम बांधवांच्या वतीने गटनेते फारुख पटेल यांनी नगराध्यक्ष डॉ.भारतभुषण क्षीरसागर यांचा अभिनंदनचा ठराव आज झालेल्या सर्वसाधारण सभेत मांडला.
