स्थानिक गुन्हे शाखेच्या प्रमुख पदी बीड ग्रामीणचे पोलीस निरीक्षक संतोष साबळे यांची नियुक्ती
प्रारंभ वृत्तसेवा
बीड : पोलीस विभागातील महत्त्वाची असणारी शाखा म्हणजे स्थानिक गुन्हे शाखा. स्थानिक गुन्हे शाखेचे तत्कालीन अधिकारी सतीश वाघ यांची बदली झाल्यानंतर त्या जागी कोणता अधिकारी येणार याच्या चर्चा रंगल्या होत्या, अखेर पोलीस अधीक्षक नंदकुमार ठाकूर यांनी या पदावर योग्य अधिकारी निवडला असून बीड ग्रामीण पोलीस ठाण्याचे पोलीस निरीक्षक संतोष साबळे यांची या पदावर नियुक्ती केली आहे. संतोष साबळे यांनी ग्रामीण पोलीस ठाणे या ठिकाणी चांगली कामगिरी बजावल्यामुळे त्यांना स्थानिक गुन्हे शाखेचा पदभार देण्यात आला आहे.
