राजेंद्र मस्केंकडून बैलगाडा शर्यतीचे उत्कृष्ट नियोजन..!
बीड : राजेंद्र मस्के मित्र मंडळातर्फे गतवर्षी प्रमाणे या वर्षी बीड येथे भव्य बैलगाडा शर्यतीचे आयोजन करण्यात आले आहे. बीड शहर परिसरात तळेगाव शिवार, बीड – अ.नगर हायवे, भोंडवे पेट्रोल पंपासमोर बीड येथील भव्य मैदानावर बैलगाडा शर्यत आयोजित केली आहे. जिल्हाभरातून बैलगाडा स्पर्धकांनी मोठ्या प्रमाणावर नावनोंदणी सुरु केली आहे.
सरळ धावपट्टी आणि परतीची धावपट्टी अशा दोन पद्धतीन बैलगाडा स्पर्धा संपन्न होणार आहे.
एकूण सहा बक्षिसे जाहीर केली असून, सरळ धावपट्टीसाठी – 3 आणि परतीची धावपट्टीसाठी – 3 याप्रमाणे स्वतंत्र बक्षिसाचे आयोजन केले आहे. 30 जून रोजी सकाळी 09.00 वाजता या बैलगाडा शर्यतीचा शुभारंभ आ. चंद्रशेखर बावनकुळे प्रदेश भाजपा अध्यक्ष, लोकनेत्या पंकजाताई मुंडे, यांच्या हस्ते शुभारंभ होणार असून, ना. अतुलजी सावे पालकमंत्री बीड जिल्ह मा.खा. डॉ. प्रितमताई मुंडे आ. सुरेश अण्णा धस , आ. लक्ष्मण अण्णा पवार आ. नमिताताई मुंदडा यांच्या विशेष उपस्थिती तर विविध क्षेत्रातील मान्यवरांच्या उपस्थितीत शर्यतीचा सोहळा संपन्न होणार आहे.
जिल्ह्यातील सर्व होशी शेतकरी बांधवांची मागणी लक्षात घेऊन सरळ धावपट्टी व परतीची धावपट्टी या दोनही पद्धतीने स्पर्धा घेतली जाणार आहे. परतीच्या धावपट्टीवरील शर्यत टाईमिंग पद्धतीने तर सरळ धावपट्टी गट पद्धतीने होईल. तरी जिल्ह्यातील बैलगाडा स्पर्धकांनी संघर्षयोद्धा भाजपा जनसंपर्क कार्यालय बीड येथे संपर्क साधावा आणि आपल्या नावाची नोंदणी करावी. असे आवाहन आयोजकांनी केले आहे.
