प्रारंभ वृत्तसेवा
बीड : धुळे सोलापूर या राष्ट्रीय महामार्गावरील पेंडगाव परिसरातील घोसापुरी जवळ आज (ता. २३) पहाटे सव्वा दोनच्या दरम्यान गाडीवरील नियंत्रण सुटल्याने झालेल्या अपघातामध्ये तीन जणांचा जागीच मृत्यू झाला तर एक जण गंभीरित्या जखमी झाला असून त्यावर बीड जिल्हा रुग्णालयात उपचार सुरू आहेत.
नेवासाहून बीडच्या दिशेने जाताना पेंडगाव जवळ घोसापुरी शिवारात प्यासा हॉटेल जवळ मारुती सुझुकी सियाज कारचा अपघात होऊन 3 जण जागीच ठार झाले व 1 जण गंभीरित्या जखमी झाले असून मृतात धीरज गुणदेजा वय 30, रोहन वाल्हेकर वय,32 विवेक कानगुने वय 33 व जख्मी आनंद वाघ वय 28 राहणार सर्वजण नेवासा जिल्हा अहमदनगर येथील आहेत. सर्व बीडला मित्राच्या लग्नाला जाताना हा अपघात झाला. गाडीवरचे नियंत्रण सुटल्याने गाडीने रोडवर तीन-चार पलट्या घेऊन रोडच्या बाजूला गाडी पलटी झाली यात गाडीचे अक्षरशः चुराडा झाला. जखमींना बीड जिल्हा रुग्णालय दाखल करण्यात आले. अपघाताची माहिती समजताच महामार्ग वाहतूक पीएसआय घोडके, रवींद्र नागरगोजे, बीड ग्रामीण पोलीस स्टेशनचे लक्ष्मण जायभाये, रवी सानप तसेच महामार्ग पेट्रोलिंग टीमचे प्रमुख प्रतीक कदम,सुनील कवडे, राम गायकवाड तसेच महामार्ग रुग्णवाहिका डॉक्टर विशाल डोंगर, यशवंत शिंदे, ड्रायव्हर सुभाष नन्नवरे यांनी घटनास्थळी धाव घेऊन मदत केली.
