पोलीस अधीक्षक यांच्या विशेष पथकाची विशेष कारवाई
प्रारंभ वृत्तसेवा
बीड : तालुक्यातील घोडका राजूरी याठिकाणी मोठ्या प्रमाणात गुटखा असल्याची माहिती पोलीस अधीक्षक आर.राजा यांच्या विशेष पथकाला मिळाली होती. त्याअनुषंगाने पथकांने आज सकाळी त्याठिकाणी छापा टाकूण 60 लाखाचा गुटखा व दोन जणांना ताब्यात घेतले आहे.
पोलीस अधीक्षक यांच्या विशेष पथकाचे प्रमुख विलास हजारे यांना बीड तालुक्यातील घोडका राजूरी परिसरातील एका गोदामात मोठ्या प्रमाणात गुटखा असल्याची माहिती मिळाली होती. याच अनुषंगाने पोलीस अधीक्षकांचे पथक त्याठिकाणी गेले असता, याठिकाणी जवळपास 60 लाखाचा गुटखा व दोन जणांना ताब्यात घेतले. पिंपळनेर पोलीस ठाण्यात सर्व जप्त केलेला मुद्देमाल जमा करण्यात आला आहे.
