परळी/प्रतिनिधी : परळी नगरपरिषद निवडणुकीत अनेक पक्षांकडून उमेदवारी अर्ज दाखल करताना शक्तिप्रदर्शन, मिरवणुका आणि अवाढव्य खर्च केला जातो. मात्र या देखाव्याला फाटा देत राष्ट्रवादी काँग्रेस पक्ष शरद पवार गटाच्या नगराध्यक्ष पदाच्या उमेदवार सौ.संध्या दीपक देशमुख तसेच नगरसेवक पदाचे इतर उमेदवारांनी, अत्यंत साधेपणाने आणि शिस्तबद्ध पद्धतीने १७ नोव्हेंबर रोजी आपले उमेदवारी अर्ज दाखल केले.
अर्ज दाखल करतेवेळी पक्षाचे प्रदेश सरचिटणीस राजेभाऊ फड, ज्येष्ठ नेते राजेसाहेब देशमुख, उत्तम माने, तालुकाध्यक्ष बाबा शिंदे, ज्येष्ठ कार्यकर्ते जीवनराव देशमुख तसेच राष्ट्रवादी काँग्रेस शरद पवार गटाचे प्रमुख पदाधिकारी उपस्थित होते. उमेदवारी अर्ज दाखल करताना कोणतीही मिरवणूक, डीजे, झंझावात किंवा खर्चिक शक्तिप्रदर्शन न करता जनसंपर्क आणि लोकविश्वासाला प्राधान्य देणे हा पक्षाचा स्पष्ट संदेश असल्याचे पदाधिकाऱ्यांनी सांगितले.
